Aston Villa ætlar að fá Scott Carson

Aston Villa er nú við það að klófesta enska landsliðsmarkvörðinn Scott Carson út tímabilið á lánssamning frá Liverpool. Aston Villa hefur verið að leita að markverði, en aðalmarkvörður liðsins, Thomas Sörensen, er meiddur og hefur ekki ennþá skrifað undir nýjan samning við félagið.

Aston Villa var nálægt því að kaupa skoska landsliðsmarkvörðinn Craig Gordon en Roy Keane og félagar í Sunderland klófestu hann fyrir metfé á þriðjudaginn. Sven-Göran Eriksson, knattspyrnustjóri Manchester City, hefur einnig verið hrifinn af Carson. Erikson er sagður vilja kaupa leikmanninn fyrir 12 milljónir punda en Liverpool er ekki tilbúið að selja leikmanninn.