Erikson setur Mills, Dabo og Dickov á sölulista

Sven-Göran Eriksson, framkvæmdastjóri Manchester City, segist vera tilbúinn að skoða tilboð sem berast í leikmennina Danny Mills, Ousmane Dabo og Paul Dickov. Erikson hefur fengið átta leikmenn til liðsins síðan hann tók við stjórn liðsins í júlí og ætlar losa sig við þremenningana þar sem hann telur þá ekki hafa það sem þarf til að koma liðinu í fremstu röð.

Samkvæmt BBC Five Live mun Erikson einnig losa sig við Georgios Samaras, Darius Vassell, Ishmael Miller og Kasper Schmeichel á næstu misserum.

Erikson hefur þegar losað sig við Joey Barton, Sylvain Distin, Nicky Weaver, Trevor Sinclair, Hatem Trabelsi og Stephen Jordan.