Newcastle kaupir Enrique frá Villareal

Newcastle hefur tryggt sér þjónustu spænska U21 árs landsliðsmannsins Jose Enrique frá Villareal. Newcastle borgar 6,3 milljónir punda fyrir leikmanninn en hann skrifaði undir fimm ára samning við félagið. Enrique er sjöundi leikmaðurinn sem Newcastle fær í sumar.

„Ég hef mikla trú á framkvæmdastjóra Newcastle og ég trúi því að félagið verði eitt af toppliðunum," sagði Enrique á heimasíðu Newcastle. „Ég hitti Sam (Allardyce) yfir kvöldverði og mér fannst ánægjulegt að heyra fyrirætlanir hans með liðið. Hann kom vel fram við mig og hann skilur mig. Hann veit að það er margt sem ég þarf að venjast, eins og nýrri menningu og nýju tungumáli, en hann sehist ætla að hjálpa mér að venjast því.