Úrvalsdeildarlið keyptu sóknarmenn fyrir 163 milljónir punda í sumar.

30 sóknarmenn hafa verið keyptir til úrvalsdeildarliða í sumar og verðið fyrir pakkann er 163,2 milljónir punda eða tæpir 20,8 milljarðar króna. 18 félög í úrvalsdeild hafa keypt sóknarmenn, aðeins Everton og Reading hafa ekki krækt sér í sóknarmann en Everton er þó sagt hafa boðið 11 milljónir í Argentínumanninn Luis Gonzalez sem reyndar er miðjumaður. Enska blaðið Sunday Telegraph greinir frá þessu í dag.

Stærstu nöfnin í sumar:

Fernando Torres, Liverpool, 23 ára. Kaupverð 20 milljónir punda frá Atletico Madríd. 15 mörk í 40 leikjum á síðustu leiktíð.

Carlos Teves, Manchester United, 23 ára. Kaupverð 30 milljónir punda frá West Ham (sem fær þó ekki nema 2 milljónir punda fyrir hann). 7 mörk í 23 leikjum á síðustu leiktíð.

Claudio Pizzarro, Chelsea, 28 ára. Kom án greiðslu frá Bayern Munchen. 12 mörk í 45 leikjum á síðustu leiktíð.

Eduardo Da Silva, Arsenal, 24 ára. Kaupverð 8 milljónir punda frá Dinamo Zagreb. 34 mörk í 32 leikjum á síðustu leiktíð.

Rolando Bianchi, Manchester City, 24 ára. Kaupverð 8,8 milljónir punda frá Reggina. 18 mörk í 37 leikjum á síðustu leiktíð.

Darren Bent, Tottenham, 23 ára. Kaupverð 16,5 milljónir punda frá Charlton. 15 mörk í 37 leikjum á síðustu leiktíð.

Craig Bellamy, West Ham, 28 ára. Kaupverð 7,5 milljónir punda frá Liverpool. 9 mörk í 42 leikjum á síðustu leiktíð.

Mark Viduka, Newcastle, 31 árs. Kom án greiðslu frá Middlesbro. 19 mörk í 37 leikjum á síðustu leiktíð.

Fleiri sóknarmenn hafa verið keyptir til úrvalsdeildarliða m.a. borgaði Sunderland 5 milljónir punda fyrir Michael Chopra frá Cardiff, Sheffield United keypti Jamie Beattie frá Everton á 4 milljónir punda, Fulham keypti Diamansy Kamara frá Fulham á 6 milljónir punda og Robert Earnshaw kostaði Derby 3,5 milljónir þegar félagið keypti hann frá Norwich.