Frank Lampard er tábrotinn

Miðjumaðurinn Frank Lampard hjá Chelsea er tábrotinn á vinstri fæti og verður frá keppni á næstunni, en ekki er vitað hversu lengi hann verður frá. Talið er að táin hafi brotnað á fyrstu æfingu Chelsea í Bandaríkjunum fyrir þremur vikum, en það var ekki fyrr en í dag sem að hann fór í röntgenmyndatöku og í ljós kom að táin væri brotin.

Þrátt fyrir að Chelsea hafi ekki staðfest hversu lengi Lampard verður frá er ljóst að hann tekur ekki þátt í leiknum um góðgerðarskjöldinn á sunnudaginn.