Tevez-málinu loksins að ljúka?

Búist er við því að forráðamenn West Ham muni tilkynna á morgun að þeir hafi samþykkt að leysa Carlos Tevez undan samningi. Það þýðir að nánast er öruggt að kappinn fari til Manchester United áður en leikmannaglugginn lokar.

West Ham hefur náð samkomulagi við umboðsmann leikmannsins, Kia Joorabchian, en stjórn Úrvalsdeildarinnar og FA eiga eftir að samþykkja þetta samkomulag.

West Ham fær aðeins á bilinu 1-3 milljónir punda fyrir leikmanninn en félagið borgaði 5,5 milljónir punda í sekt vegna leikmannsins í vetur.