Finnan skrifar undir nýjan samning við Liverpool

Varnarmaðurinn Steve Finnan hefur skrifað undir nýjan tveggja ára samning við Liverpool. Finnan er 31 árs gamall og var keyptur frá Fulham árið 2003 fyrir 3,5 milljónir punda. Finnan var búinn að samþykkja samninginn í síðasta mánuði en gat ekki skrifað undir strax vegna þátttöku Liverpool í Asíubikarnum.

„Hann er svo stöðugur og ef að lið vilja komast á toppinn á Englandi verða þau að hafa þrjá til fjóra ágætisleikmenn sem eru stöðugir. Ég segi þetta í góðri meiningu," sagði Phil Neal fyrrverandi varnarmaður Liverpool við vefsíðu liðsins.