Dyer fær grænt ljós til að ræða við West Ham

Miðjumaðurin Kieron Dyer hefur fengið grænt ljós til að hefja samningsviðræður við West Ham eftir að Newcastle og West Ham komust að samkomulagi um kaupverð á kappanum. Ekki er gefið upp hver upphæðin er en Newcastle hafði áður farið fram á fjórar milljónir punda fyrir leikmanninn.

Aðdáendur Newcastle tóku því illa þegar Dyer sagði frá því að hann vildi yfirgefa félagið og meðal annars var baulað á hann í vináttuleiknum gegn Juventus um síðustu helgi og einhverjir óprúttnir aðdáendur hafa tekið upp á því að henda eggjum í húsið hans.

Dyer segist vilja fara til London til að vera nær fjölskyldu sinni.