Manchester United selur Rossi til Villareal

Manchester United hefur selt ítalska framherjann Giuseppe Rossi til spænska liðsins Villareal. Mikið hefur verið rætt um framtíð Rossi á Old Trafford í kjölfar þess að hann stóð sig mjög vel hjá Parma á síðasta tímabili þar sem hann var á láni. Rossi á eftir að gangast undir læknisskoðun en talið er að gengið verði frá kaupunum í lok vikunnar. Villareal borgar um 6,7 milljónir punda fyrir leikmanninn.

Rossi er ætlað að fylla upp í skarð Diego Forlan hjá Villareal en Forlan var seldur til Atletico Madrid í síðasta mánuði.