Fótbolti

Pele vill að Beckham einbeiti sér að knattspyrnunni

Aron Örn Þórarinsson skrifar
Pele er ekki hættur að skipta sér af fótbolta, þrátt fyrir að vera löngu hættur að spila sjálfur.
Pele er ekki hættur að skipta sér af fótbolta, þrátt fyrir að vera löngu hættur að spila sjálfur. NordicPhotos/GettyImages

Knattspyrnugoðsögnin Pele ítrekar það við David Beckham að hann eigi að hætta að lifa þessu glamúrlífi og einbeita sér að knattspyrnunni. Beckham hefur verið mikið í sviðsljósinu upp á síðkastið eftir að hann samþykkti að ganga til liðs við LA Galaxy.

„Beckham er meira eins og poppstjarna frekar en knattspyrnumaður, sagði Pele. „Ég myndi ráðleggja honum að undirbúa sig vel fyrir leikina. Það er búist við miklu af honum sem leikmanni. Hann getur leikið sér í Hollywood þegar hann á ekki að vera á æfingu."

Pele lék með New York Cosmos í Bandaríkjunum á sínum tíma.




Fleiri fréttir

Sjá meira


×