Moore með þrennu fyrir Aston Villa

Aston Villa spilaði sinn fyrsta leik á undirbúningstímabilinu í gær gegn Toronto FC. Villa sigraði leikinn 4-2. Luke Moore skoraði þrennu fyrir Villa og John Carew eitt. Martin O´Neill, framkvæmdastjóri Aston Villa segir að Moore gæti orðið goðsögn hjá félaginu, en hann hann var meiddur stóran hluta síðasta tímabils eftir að hafa byrjað mjög vel.

Marlon Harewood og Nigel Reo-Coker spiluðu báðir sinn fyrsta leik fyrir félagið í gær. Harewood var í byrjunarliðinu en Reo-Coker kom inn á þegar 20 mínútur voru til leiksloka. Aston Villa spilar næst gegn Columbus Crew á sunnudaginn.