Mido ósáttur með samningstilboð Birmingham

Félagsskipti Egyptans Mido frá Tottenham til Birmingham gætu verið í hættu vegna óánægju leikmannsins við klásúlur í samningnum sem Birmingham hefur boðið honum. Félögin samþykktu sex milljóna kaupverð á kappanum í síðustu viku.

„Ég settist niður með forráðamönnum Birmingham til að ræða samingsmál. Ég hafna sumum klásúlum í samningnum algjörlega," sagði Mido við FilGoal.com. „Ég fer ekki til Birmingham nema að samningstilboðinu verði breytt. Frekar bíð ég eftir öðru tilboði eða verð áfram hjá Spurs.“