Scholes gæti misst af byrjun tímabilsins

Sir Alex Ferguson hefur greint frá því að Paul Scholes gæti misst af byrjun næsta tímabils vegna meiðsla á hné í leik gegn FC Seoul á föstudaginn. Scholes var sendur heim frá Asíu til að fá bót meina sinna og verður hann líklega frá í fjórar vikur vegna aðgerðar sem hann mun gangast undir.

„Paul féll á hnéð í leiknum. Við sendum hann heim til Englands í skoðun svo hægt væri að sjá hversu alvarleg meiðslin væru. Við teljum meiðslin ekki vera alvarleg en hann gæti verið frá næstu 3-5 vikur," sagði Ferguson.

Manchester United mætir Reading í fyrstu umferð tímabilsins þann 11. ágúst næstkomandi.