Beckham frumsýndur í tapi gegn Chelsea

David Beckham lék í nótt sinn fyrsta leik með liði LA Galaxy þegar hann spilaði síðustu 12 mínúturnar í 1-0 tapleik liðsins gegn Chelsea. 27,000 áhorfendur hylltu kappann þegar hann var kynntur til leiks á Home Depot Center en það var félagi hans í enska landsliðinu, John Terry, sem skoraði sigurmark Chelsea.

Beckham var hrærður yfir móttökunum sem hann fékk í gær. "Það var frábært að fá fullt hús áhorfenda og það er til marks um hollustu stuðningsmanna liðsins. Móttökurnar sem ég fékk persónulega voru rosalegar og það lá við að ég færi hjá mér yfir stuðningi áhorfendanna," sagði Beckham.