Ekki vilji fyrir vegtollum á Manhattan

Fylkisþingið í New York hafnaði nýlega hugmyndum Michaels Bloomberg, borgarstjóra New York borgar, um að taka upp vegtolla á Manhattan. Hugmyndin fól í sér að bílstjórar fólksbíla greiddu 240 krónur fyrir að fá að keyra inn á Manhattan en vörubílstjórar rúmar 1200 krónur.

Bloomberg sagði að með þessu væri hægt að draga úr umferð, gera umhverfið vistvænna og bæta almenningssamgöngur. Skoðanakannanir sýndu að hugmyndir Bloombergs mættu töluverðri andstöðu meðal New York búa.