Ævisaga Laxness fær góða dóma í Noregi

Ævisaga Halldórs Laxness, eftir Halldór Guðmundsson, fær góða dóma í Aftenposten í Noregi. Í dómnum segir meðal annars að Laxness hafi verið einn mest lesni erlendi höfundurinn í Noregi fyrir 30 til 40 árum síðan en síðan hafi hann horfið í gleymskunnar dá.

Dómurinn fer síðan fögrum orðum um ævisöguna og að hún sé töfrandi lesning, enda hafi ævi Laxness einna helst líkst einum af hans eigin skáldsögum. Gagnrýnandi norska ríkissútvarpsins fór einnig fögrum orðum um ævisöguna og sagði hana þá bestu sem hún hefði lesið.