Sarkozy heitir því að sameina Frakka á ný

Nicolas Sarkozy, nýkjörinn forseti Frakkklands, heitir því að sameina Frakka á ný eftir harvítuga kosningabaráttu síðustu vikna. Forsetinn nýji sigraði keppinaut sinn Segolene Royal örugglega og greiddu fimmtíu og þrjú prósent þeirra sem tóku þátt honum atkvæði sitt. Kosningaþáttaka var sú besta í áraraðir en um áttatíu og fimm prósent kosningabærra manna mættu á kjörstað.

Sarkozy segir að Frakkar hafi kosið breytingar, og að hann ætli sér að nýta það umboð sem hann fékk í kosningunum til þess að beita sér fyrir þeim breytingum. Eitthvað var um róstur í kjölfar kosninganna og komu nokkur hundruð mótmælenda saman á Bastillu torginu í París og slógust þar við öryggislögregluna, öskrandi ókvæðisorð að nýja forsetanum.

Sarkozy, sem er fimmtíu og tveggja ára gamall sonur Ungverks innflytjanda bakaði sér óvinsældir margra í Frakklandi þegar hann sem innanríkisráðherra tók hart á mótmælendum í óeirðum sem gengu yfir landið fyrir tveimur árum. Í ræðu sem hann hélt í nótt sagðist hann vilja hefja sig yfir pólitískar deilur. „Ég mun verða forseti allra Frakka," sagði Sarkozy. „Þetta land hefur gefið mér allt, og nú er kominn tími til að ég gefi til baka,"