Kona Shevchenko með heimþrá?

Ítalska dagblaðið Gazzetta Dello Sport greindi frá því í dag að kona Andriy Shevchenko hjá Chelsea hafi hringt grátandi í varaforseta AC Milan og tjáð honum að flutningur þeirra hjóna til Lundúna hafi verið stór mistök.

Sagt var að kona Shevchenko átt stóran þátt í því að þau ákváðu að fara til Englands á sínum tíma, en hún er bandarísk fyrirsæta. Ítalska blaðið slær því upp á síðum sínum í dag að kona Shevchenko sé "rauð og svört" af heimþrá - og vísar þar í litinn á búningum AC Milan.