Ranieri efst um framtíð Mourinho hjá Chelsea

Claudio Ranieri, fyrrum knattspyrnustjóri Chelsea, segir að tap liðsins fyrir Liverpool í gær varpi skugga yfir framtíð Jose Mourinho hjá félaginu á ný. Hann segir ólíklegt að Mourinho haldi starfi sínu ef hann vinnur ekki annað en deildarbikarinn í ár.

"Roman Abramovich vill vinna sigur í Meistaradeildinni og vill að Chelsea verði á toppnum í heiminum. Jose er að standa sig mjög vel en það er erfitt að sjá hvað verður. Ég er viss um að sigur í deildarbikarnum er ekki nógu góður árangur," sagði Ranieri. Breskir fjölmiðlar voru fljótir að veita því athygli að Abramovich var ekki meðal áhorfenda á Anfield í gær og þá blossar orðrómurinn um erfið samskipti hans við knattspyrnustjórann upp á ný.