Ferguson: Við eigum skilið að vinna deildina

Sir Alex Ferguson stökk hæð sína af gleði í dag þegar hans menn unnu dramatískan sigur á Everton og tryggðu sér fimm stiga forskot á toppi ensku úrvalsdeildarinnar. Ferguson segir að liðið ef hans menn verði meistarar - sé það vegna þess að þeir eigi það skilið.

"Þetta var stór dagur fyrir okkur vegna forskotsins sem við náðum í dag. Leikmennirnir voru duglegir og gáfust aldrei upp - og þetta er risasigur á þessum tímapunkti á leiktíðinni. Við höfum spilað vel í vetur og ef við vinnum deildina - eigum við það skilið," sagði Ferguson.