Skilnaður Abramovich hefur ekki áhrif á Chelsea

Roman Abramovich og fyrrverandi kona hans hafa gefið út sérstaka fréttatilkynningu þar sem fram kemur að skilnaður þeirra muni ekki hafa áhrif á rekstur knattspyrnufélagsins Chelsea á nokkurn hátt.

Skilnaður þeirra hjóna er nú formlega genginn í gegn og ríkir full sátt í málinu. Bresku blöðin höfðu sum hver slegið því upp að skilnaðurinn kynni að hafa áhrif á fjárfestingar rússneska milljarðamæringsins hjá knattspyrnufélagi hans Chelsea, en í tilkynningunni kemur fram að svo verði ekki.