Áframhaldandi þíða

Stjórnvöld Norður-Kóreu virðast nú vinna markvisst að þíðu í samskiptum við ríki sem þau hafa lengi eldað grátt silfur saman með.

Í gær lauk fundi erindreka Norður-Kóreu og Bandaríkjanna í New York, þeim fyrsta frá Kóreustríðinu og sögðu báðir aðilar fundinn hafa verið árangursríkan.

Í dag hófust svo tvíhliða viðræður Norður-Kóreu og Japan í Hanoi, höfuðborg Víetnam, en löndin ræða það að koma á stjórnmálasambandi og að Norður-Kórea láti lausa japanska fanga sem hafa verið þar í haldi sumir árum saman.

Þá fór ráðgjafi forseta Suður-Kóreu í morgun á fund næstæðsta embættismanns Norður-Kóreu í Pyongyang. Allt þetta er árangur samninga sem tókust í viðræðum sex ríkja um kjarnorkumál Norður-Kóreu sem lauk fyrir hálfum öðrum mánuði.