Danskur þingmaður fer frá vinstri til hægri

Karen Jespersen, þingmaður í Danmörku, tilkynnti í dag að hún myndi ekki skipta aftur um flokk en hún gekk í nóvember til liðs við borgaraflokkinn Venstre frá Jafnaðarmannaflokknum. Þar áður hafði hún verið yst á vinstri kantinum Í Vinstrisósíalistaflokknum.

Jespersen hefur gegnt starfi félagsmála- og innanríkisráðherra fyrir jafnaðarmenn en sagði á blaðamannafundi í dag að hún byði sig fram fyrir Venstre í næstu kosningum þrátt fyrir að Íhaldsflokkurinn hefði einnig borið víurnar í hana. Reiknað er með að Jespersen verði frá og með 1. mars fulltrúi Venstre í Favrskov-kjördæmi á Jótlandi.