Erlent

Tortilla-mótmæli í Mexíkó

AP
Tugir þúsunda gengu um götur Mexíkóborgar í gær til að mótmæla verðhækkunum á Tortilla-maíspönnukökum. Verðið á þessari algengustu fæðu Mexíkóa hækkaði nýverið um heil 400%. Ástæðan er sögð vera hækkandi verð á maís, meðal annars vegna þess að Bandaríkjamenn bjóða sífellt hærra verð í maísolíu sem er nýtt sem umhverfisvænt eldsneyti.

Fyrir fátækustu íbúa landsins eru tortilla-kökurnar uppistaða mataræðisins, og þeir allra fátækustu eyða allt að þriðjungi launa sinna í pönnukökurnar. Felipe Calderon forseti Mexíkó lofar að gera sitt til að bæta ástandið. Til marks um fátæktina í Mexíkó er „nýja" verðið á kílóinu af Tortilla-kökum um 55 íslenskar krónur.

Mest lesið


Fleiri fréttir

Sjá meira


×

Mest lesið