Níu manns handteknir í aðgerðum bresku lögreglunnar

Samkvæmt heimildum breskra fjölmiðla leikur sterkur grunur á að hópur hinna handteknu hafi ætlað að ræna breskum hermanni af islamstrú sem hefur sinnt herstörfum í Afganistan, pynda hann, afhöfða og senda svo pyndinguna út á netinu. Birmingham er í 190 kílómetra fjarlægð frá Lundúnaborg og voru 12 heimili í borginni innsigluð í aðgerðum lögreglu sem og bókabúð sem selur íslamskar bókmenntir og internetkaffihús.

Heimildamenn innan bresku lögreglunnar segja að undirbúningur hryðjuverkaárása sem snúast um mannrán í stað sprengjuárásir, marki nýja hugsun hjá lögreglunni í Bretlandi í baráttunni gegn hryðjuverkum. Yfirmenn lögreglunnar sögðu á blaðamannafundi nú rétt fyrir fréttir að handtökur gætu orðið fleiri. Almenningur í Birmingham er slegin óhug og margir létu í ljós reiði sína yfir aðgerðunum og því hvernig fjölmiðlar sýna samfélag múslima í Bretlandi

Þess má geta að síðastliðið sumar voru nokkrir menn handteknir í Birmingham, grunaðir um að ætla sér að sprengja 10 flugvélar á milli Bretlands og bandaríkjanna og í síðustu viku voru fimm manns handteknir í Manchester og Halifax, grunaðir um undirbúning að hryðjuverkum