Kastró veikari en nokkru sinni fyrr

Leiðtogi Kúbu, Fídel Kastró, er nú veikari en nokkru sinni fyrr eftir þrjár misheppnaðar skurðaðgerðir en Kastró þjáist af alvarlegum innvortis sýkingum. Spænskt dagblað sagði frá þessu í gær og hafði heimildir sínar frá lækninum sem fór til Kúbu seint á síðasta ári að annast Kastró.

Engin opinber yfirlýsing hefur þó verið gefin út á Kúbu vegna ástands Kastró. Hann hefur ekki sést opinberlega síðan í júlí á síðasta ári og fól hann þá bróður sínum, Raúl, stjórn á landinu. Kastró sagði þó í nýársskilaboðum sínum til kúbversku þjóðarinnar að hann væri að ná sér en að ferlið væri hægt.