Þjóðverjar vilja hverfa frá sameiginlegri stjórnarskrá ESB

Þýsk yfirvöld ætla að fara þess á leit við aðildarríki Evrópusambandsins að þau láti af hugmyndum um sameiginlega stjórnarskrá, þegar leiðtogar aðildarríkjanna hittast á fundi í Brussel á morgun. Þetta kemur fram á fréttavef BBC. Pólland og Bretland hafa hins vegar hótað því að beita neitunarvaldi sínu fái þau nýjan sáttmála ekki í gegn.

Jaroslaw Kaczynski, forsætisráðherra Póllands sagði að það væri "mjög líklegt" að hann myndi beita neitunarvaldi en Margaret Beckett, utanríkisráðherra Bretlands sagði að enginn samningur væri betri en vondur. Á leiðtogafundinum er ætlunin að koma á fót ráðstefnu aðildarríkjanna sem fær það hlutverk að semja um nákvæmt orðalag á nýjum sáttmála sem koma á í staðinn fyrir stjórnarskrána. Frakkar og og Hollendingar höfnuðu stjórnarskránni í atkvæðagreiðslu fyrir tveimur árum.

Ef ekki tekst að semja um nýjan sáttmála er talið að Evrópusambandið geti lent í álíka pólitískri krísu og það gekk í gegnum eftir að stjórnarskráin var felld.