Styles ekki með um næstu helgi

Dómarinn sem dæmdi leik Liverpool og Chelsea í gær verður hvíldur um næstu helgi vegna slakrar frammistöðu sinnar. Þetta staðfesti Keith Hackett, yfirmaður dómaramála í ensku úrvalsdeildinni, nú rétt í þessu. Styles þótti standa sig afspyrnuilla í leiknum. Hann dæmdi meðal annars umdeilda vítaspyrnu og virtist sýna Michael Essien sitt annað gula spjald án þess þó að vísa honum af velli.

"Við væntum þess að dómararnir okkar dæmi rétt þegar mikið liggur við. Í þessu tilfelli var það ekki gert og þess vegna mun Rob ekki dæma um næstu helgi," segir Hackett um málið.