Al-Kaída nær fyrri styrk

Leyniþjónustumenn í Bandaríkjunum telja að al-Qaida hafi náð álíka styrk og hann var rétt fyrir hryðjuverkaárásirnar 2001, samkvæmt heimildum AP fréttastofunnar.

Þetta kemur fram í leyniskýrslu um mat á þjóðaröryggi, sem verður rædd á fundi í Hvíta húsinu á morgun. Yfirskrift skýrslunnar er „Al-Qaida í betri aðstöðu til að ráðast á Vesturlönd".

Í skýrslunni er augum sérstaklega beint að frjálsum aðstæðum hryðjuverkahópa í Pakistan og reifaðar eru mögulegar ógnir sem steðja að Bandaríkjamönnum og bandaþjóðum þeirra.

Al-Qaida hefur sætt stöðugum árásum í sex ár sem ætlað hefur verið að uppræta samtökin. Þau eru enga að síður talin vera að ná fyrri styrk og einbeiti sér nú einkum að því að að fá til liðs við sig evrópubúa.

Bretland, Danmörk, Þýskaland og Holland eru tilgreind sem möguleg skotmörk, vegna þess að þegnar þeirra eigi auðvelt með að ferðast til Pakistan. Fjölmargir embættismenn Bandaríkjastjórnar telja að engar vísbendingar séu um aðra árás á Bandaríkin.