Hargreaves ekki með á föstudag

Owen Hargreaves verður ekki með enska landsliðinu á föstudag er það mætir Austurríki í Vínarborg vegna hnémeiðsla.

Hargreaves, leikmaður Manchester United, verður eftir í Manchester þar sem reynt verður að ná honum góðum áður en England mætir Króatíu í undankeppni EM 2008 í næstu viku. England verður að vinna leikinn til að eiga möguleika á að komast áfram.

Rio Ferdinand, John Terry og Wayne Rooney missa allir af leikjunum tveimur vegna meiðsla en talið er að Shaun-Wright Phillips verði orðinn klár á föstudaginn þrátt fyrir að hann æfði ekki í gær.