Enskur fótboltkappi handtekinn í heróínhúsleit

Enski knattspyrnumaðurinn Zat Knight var í gær handtekinn í húsi móður sinnar eftir að breska lögreglan hafði framkvæmt húsleit á heimili hennar vegna gruns um að þar væri heróín að finna. Eftir að hafa eytt sex klukkutímum í varðhaldi þá var hann kynntur til leiks sem nýjasti leikmaður Aston Villa.

Zat Knight, sem er 26 ára gamall, var leiddur út í handjárnum snemma í gærmorgun en bróðir hans Carlos hefur lengi verið grunaður um að standa í sölu á eiturlyfjum. Húsleitin var umfangsmikil og komu fjölmargir lögreglumenn og hundar að henni.

Ekki er vitað hvort Zat Knight sé yfir höfuð viðriðinn eiturlyfjasölu en hann ku hafa lýst yfir sakleysi sínu í gær áður en honum var sleppt lausum gegn tryggingu.

Hann skrifaði undir fjögurra ára samning við Aston Villa og kostaði félagið 3,5 milljónir punda eða 455 milljónir íslenskra króna.