Bush í Albaníu

George Bush Bandaríkjaforseti kom til Albaníu í morgun, fyrstur bandarískra forseta. Þetta ríki á Balkanskaga var áður vígi harðlínu kommúnista sem aðhylltust einangrunarstefnu en þar er nú að finna dygga stuðningsmenn Bandaríkjanna.

Vel var tekið á móti forsetanum í morgun og ekki búist við mótmælum í landinu vegna heimsóknar hans, ólíkt því sem gerðist í Þýskalandi fyrir helgi og Ítalíu í gær. Bush mun funda með Sali Berisha forsætisráðherra og fullvissa hann um að aðildarumsókn Albana að Atlantshafsbandalaginu sé til meðferðar og stutt í að hún verið samþykkt. Forsetinn muni einnig tjá stuðning sinn við sjálfstæði Albana í Kosovo-héraði þrátt fyrir andstöðu Rússa.