Knútur hættir að koma fram

Ástsæli ísbjarnarhúnninn Knútur og þjálfari hans, Thomas Doerflein, munu hætta að koma fram saman tvisvar á dag að því er yfirvöld dýragarðsins í Berlín greindu frá í gær.

Knútur var aðeins níu kíló að þyngd þegar hann birtist almenningi fyrst í mars en er nú að nálgast 50 kíló.

Héðan í frá verður Knútur til sýnis líkt og önnur dýr í dýragarðinum. Talskona dýragarðsins sagði breytinguna tilkomna í fyrsta lagi til að tryggja öryggi Doerfleins en einnig væri verið að undirbúa Knút undir að umgangast aðra birni en ekki bara fólk.-