Paul Jewell ráðinn stjóri Derby

Paul Jewell hefur verið ráðinn knattspyrnustjóri enska úrvalsdeildarliðsins Derby og tekur hann við starfinu af Billy Davies sem var rekinn á mánudag.

Jewell samdi við Derby til næsta þriggja og hálfs árs og bíður hans erfitt verkefni þar sem liðið er á botni deildarinnar með sex stig eftir fjórtán leiki og hefur aðeins skorað fimm mörk á leiktíðinni.

Paul Ince, stjóri MK Dons, var einnig talinn líklegur til að vera ráðinn í starfið en forráðamenn MK Dons gáfu Derby ekki leyfi til að ræða við hann.

Jewell var síðast stjóri Wigan en hætti þar í lok síðasta tímabils. Síðan þá hefur hann hafnað boði um að gerast stjóri írska landsliðsins sem og að taka aftur við Wigan eftir að Chris Hutchins var rekinn í haust.