Bannað að senda SMS

Stjórnvöld í Kambódíu hafa bannað notkun SMS-skilaboða í landinu þangað til kosningum í landinu lýkur í kvöld. Þannig geti frambjóðendur ekki nýtt sér tæknina til að hafa áhrif á kjósendur á meðan kosningar fara fram.

Símafyrirtæki í landinu hafa lokað fyrir þjónustuna að beiðni yfirvalda og var símaeigendum tilkynnt ákvörðunin í gegnum SMS-skilaboð. Mannréttindasinnar og stjórnarandstæðingar í Kambódíu hafa gagnrýnt ákvörðunina og segja hana algjörlega ónauðsynlega.