W.B.A. kaupir Pele

West Bromwich Albion hefur keypt miðjumanninn Pele frá Southampton fyrir eina milljón punda. Pele skrifaði undir tveggja ára samning við félagið með möguleika á að bæta við þriðja árinu. Pele þótti standa sig mjög vel á sínu fyrsta ári hjá Southampton í fyrra.

Tony Mowbray, knattspyrnustjóri W.B.A, er ánægður með að hafa klófest leikmanninn. „Við erum ánægðir með að hafa klófest þenan leikmann en við fylgdumst vel með honum í fyrra," sagði Mowbray á heimasíðu klúbbsins. „Pele býr yfir mikilli reynslu og með frábærar sendingar. Hann mun auka samkeppnina á miðjunni til muna."