Birmingham fær Djourou að láni frá Arsenal

Birmingham hefur tryggt sér hinn unga Johan Djourou á láni frá Arsenal. Þessi tvítugi leikmaður gerði samning við Birmingham fram að árámótum, en möguleiki er að framlengja samninginn að þeim tíma loknum.

Djourou gekk til liðs við Arsenal sumarið 2003 og kom við sögu í 21 leik í úrvalsdeildinni á síðasta tímabili. Framkvæmdastjóri Birmingham, Steve Bruce, telur að Djourou eiga langan feril framundan hjá Arsenal.

„Ég held að Djourou geti verið varnarmaður hjá Arsenal næstu tíu árin," sagði Bruce. „Ég er mjög ánægður með að Arsene Wenger hafi leyft leikmannininum að koma til okkar. Djourou hefur styrk, hraða, hann er leikinn með boltann og frábær leikmaður í vörn sem og á miðju."