Voronin valinn bestur á undirbúningstímabilinu

Andriy Voronin, Úkraínumaðurinn sem gekk til liðs við Liverpool í sumar frá Bayer Leverkusen, hefur verið valinn besti leikmaður Liverpool á undirbúningstímabilinu. Kosning fór fram á heimasíðu liðsins og vann Voronin með 68% greiddra atkvæða.

Þrátt fyrir að mikið hafi verið rætt og ritað um komu Fernando "El Ninho" Torres til Liverpool í sumar hefur hann næstum fallið í skuggann af Voronin í síðustu vináttuleikjum. Úkraínumaðurinn hefur skorað hvert markið á fætur öðru og virðist falla vel að leikstíl Liverpool.

Voronin þótti einn besti leikmaður þýsku deildarinnar í fyrra og voru mörg af stóru liðunum í Evrópu á höttunum á eftir honum þar til Rafael Benites krækti í kappann.