Quinn fer ef Keane hættir

Niall Quinn, stjórnarformaður Sunderland, hefur lýst því yfir að hann standi 100% á bak við Roy Keane, knattspyrnustjóra liðsins. Hann hefur varað stuðningsmenn liðsins við því að ef Keane fari þá muni hann fylgja honum burt frá félaginu.

"Ég get lofað ykkur einu. Ef stuðningsmennirnir vilja losna við knattspyrnustjórann þá verða þeir líka að losna við mig. Þannig verður það. Ég er ekki þannig stjórnarfomaður að ég reyni að losa mig við stjórann eftir átján mánuði. Roy Keane er rétti maðurinn til að leiða þetta félag áfram en það er ljóst að þetta verður erfitt. En besti stuðningsmaður hans verður hér til þess að styðja hann," segir Quinn.

Sunderland spilar opnunarleik ensku úrvalsdeildarinnar gegn Tottenham á morgun.