Avram Grant, nýráðinn knattspyrnustjóri Chelsea, mun hafa mikinn áhuga að fá Jamie Redknapp til liðs við sig.
Grant hefur að sögn enskra fjölmiðla mikinn áhuga á að ráða Redknapp sem þjálfara til að auðvelda þá breytingu sem hefur átt sér stað á stjórn liðsins.
Leikmenn munu margir hverjir vera í sárum yfir brotthvarfi Mourinho. Redknapp nýtur mikillar virðingar í enskri knattspyrnu en hann lagði skóna á hilluna fyrir tveimur árum.
Faðir Jamie, Harry Redknapp stjóri Portsmouth, mun vera góðvinur Avram Grant.
