Ók bílnum inn í svefnherbergi

Betur fór en á horfðist þegar 37 ára gamall maður ók tíu metra inn í íbúðarhús í Tirstrup í Danmörku í fyrrinótt. Til allrar hamingju var enginn heima þegar slysið átti sér stað, en maðurinn endaði í svefnherbergi hússins. Þar sem byggingin var gerð úr hleðslugrjóti átti lögreglan í töluverðum vandræðum með að ná manni og bíl út úr húsinu, en það hefði hugsanlega getað hrunið. Bílstjórinn slapp ómeiddur en lögreglu grunar hann um að hafa verið undir áhrifum áfengis.