Verður Gallas næsti fyrirliði Arsenal?

Arsene Wenger, framkvæmdastjóri Arsenal, segir að honum liggi ekkert á að velja nýjan fyrirliða. En talið er að William Gallas sé efstur á lista hjá Wenger þar sem Gallas bar fyrirliðabandið í vináttuleik gegn Salzburg í gær. Eins og margir vita þá bar Thierry Henry fyrirliðabandið fyrir Arsenal en hann er nú fluttur til Spánar.

Ef Gallas verður næsti fyrirliði Arsenal gæti það mætt hörðum viðbrögðum frá aðdáendum Arsenal vegna ummæla sem Gallas lét hafa eftir sér um metnaðarleysi liðsins.

„Að velja fyrirliða er ekki aðalmálið. Að koma liðinu í form skiptir mestu," sagði Wenger. „Í hverjum leik þarf einhver að vera fyrirliði. William hefur allt sem þarf til að verða góður fyrirliði. Það hafa einnig Kolo Toure og Gilberto. Það er best fyrir liðið ef að fyrirliðinn er miðvörður."