Fá ekki heldur að ræða við Megson

Milan Mandaric, stjórnarformaður Leicester City, greindi frá því að félagið hafði hafnað beiðni Bolton um að fá að ræða við Gary Megson, stjóra liðsins.

Fyrr í dag var greint frá því að félaginu var einnig hafnað að fá að ræða við Chris Coleman og Steve Bruce.

Fyrr í vikunni hætti Sammy Lee hjá félaginu og tók Archie Knox tímabundið við.

Megson tók við stjórn Leicester City fyrir mánuði síðan er Martin Allen hætti hjá félaginu.

„Það er ákveðinn heiður að úrvalsdeildarfélag hafi áhuga á stjóranum okkar en koma hans til okkar spilan stóran þátt í þeirri áætlun að tryggja liðinu sæti í efstu deild á nýjan leik,“ sagði Mandaric í samtali við heimasíðu City.