Bolton fær ekki að ræða við Bruce eða Coleman

Bolton hefur verið neitað um þá bón að fá að ræða við Steve Bruce og Chris Coleman um að taka við stöðu knattspyrnustjóra.

Alan Smith, umboðsmaður Coleman, segir að Bolton hafi beðið félag hans, Real Sociedad, um að fá að ræða við Coleman en að því hafi verið hafnað.

Hið sama má segja um Steve Bruce, stjóra Birmingham.

Bruce hefur sagt að hann vilji ræða við nýjan eiganda Birmingham, Carson Yeung, um framtíð hans hjá félaginu.

„Þar til sá fundur á sér stað get ég ekkert meira sagt," sagði Bruce sem hefur áður sagt að hann vilji gjarnan sjálfur ræða við Bolton.