Real enn á eftir Robben

Spænska liðið Real Madrid heldur enn í vonina um að krækja í hollenska landsliðsmanninn Arjen Robben sem er á mála hjá Chelsea. Hans, faðir Arjen, segir að enn sé möguleiki á því að sonur sinn klæði sig í hvíta búninginn áður en lokað verði fyrir félagaskipti.

Robben hefur ekki spilað það sem af er tímabili vegna meiðsla. Chelsea hefur ekki fengið Robben til að skrifa undir nýjan langtímasamning við félagið. Keppni í spænska boltanum fer í fullan gang um komandi helgi og segir Hans að mikil óvissa sé um hvort Robben fari til Spánar eða verði áfam hjá Chelsea.