Eggert: „Ég óska Tevez alls hins besta í framtíðinni“

Eggert Magnússon viðurkennir að hann sé ánægður með að Carloc Tevez málið sé loksins að baki. Tevez þess nú að félagsskipti hans frá West Ham til Manchester United gangi formlega í gegn. Eggert óskar Tevez alls hins besta hjá nýju félagi og er ánægður með að málið hafi verið leyst.

„Málið er búið að hálfu West Ham og þar með er þungu fargi af mér létt, " segir Eggert við SkySports. „Ég vil einnig nota tækifærið og minnast á hversu góður leikmaður Tevez er, sem og góður strákur. Ég óska honum alls hins besta í framtíðinni." West Ham var sektað um 5,5 milljónir punda á sínum tíma vegna Tevez málsins, en Eggert segist aldrei hafa óttast að stig yrðu dregin af félaginu.

„Ef ég á að segja eins og er, þá óttuðumst við aldrei að stig yrðu dregin af okkur," segir Magnús. „Það sem fólk er að gleyma er að Tevez og Javier Macherano voru alltaf löglega skráðir í West Ham.

Eggert notaði tækifærið til að minnast á forvera sinn sem stjórnarformaður West Ham og sagði hann ekki vera velkominn aftur á Upton Park (heimavöll West Ham). „Hann er allavega ekki velkominn eins og er."