Spáð í spilin: Birmingham v West Ham

Birmingham tekur á móti West Ham á St. Andrews í ensku úrvalsdeildinni í dag. Birmingham er með eitt stig eftir tvo leiki en drengirnir hans Eggerts Magnússonar í West Ham er án stiga eftir tap gegn Manchester City í fyrstu umferðinni. Leikurinn er í beinni útsendingu á Sýn 2 og hefst kl. 14.

Varnarmaðurinn Franck Queudrue verður ekki með Birmingham í dag en hann er meiddur á ökkla. Miðjumaðurinn Oliver Kapo og varnarmaðurinn Johan Djorou verða hins vegar að öllum líkindum með þrátt fyrir að hafa verið meiddir í vikunni.

Leikmannahópur Birmingham í dag: Doyle, Maik Taylor, Parnaby, Ridgewell, Djourou, Kelly, Larsson, Muamba, Nafti, McSheffrey, Kapo, Forssell, O'Connor, Vine, Jerome, Jaidi, De Ridder.

West Ham verður án Svíans Fredriks Ljungbergs og Scotts Parker sem eru meiddir. Menn bíða spenntir eftir því hvort nýjasti leikmaður West Ham Kieron Dyer verði í byrjunarliðinu. Svo gæti farið að Lucas Neill verði með en hann hefur átt við meiðsli að stríða.

Leikmannahópur West Ham í dag: Green, Neill, Ferdinand, Upson, McCartney, Ljungberg, Dyer, Noble, Boa Morte, Bellamy, Zamora, Wright, Spector, Collins, Gabbidon, Pantsil, Dailly, Mullins, Etherington, Ashton, Cole.