Öruggur sigur hjá Portsmouth

Portsmouth bar sigurorð af Bolton, 3-1, í ensku úrvalsdeildinni í dag. Nwankwo Kanu, John Utaka og Matt Taylor skoruðu mörk Portsmouth eftir að Frakkinn Nicolas Anelka hafði komið Bolton yfir. Hermann Hreiðarsson spilaði allan leikinn fyrir Portsmouth en Heiðar Helguson spilaði síðustu sex mínútur leiksins. Portsmouth er komið með fimm stig en Bolton er enn án stiga.

GANGUR LEIKSINS 

90. mínúta Arnold Mvuemba kemur inn í lið Portsmouth fyrir Nwankwo Kanu.

90. mínúta El-Hadji Diouf með skot rétt framhjá marki Portsmouth.

87. mínúta 3-1 Matt Taylor skorar af öryggi úr vítaspyrnu.

87. mínúta Gerald Cid, varnarmaður Bolton, brýtur á Nwankwo Kanu innan vítateigs og vítaspyrna dæmd.

86. mínúta Heiðar Helguson kemur inn á hjá Bolton í staðstað Nicky Hunt

84. mínúta John Utaka með þrumuskot hátt fyrir mark Bolton úr dauðafæri.

82. mínúta Matthew Cranie kemur inn á í lið Portsmouth í stað Gary O'Neil.

74. mínúta David Nugent með skalla framhjá marki Bolton.

73. mínúta David Nugent kemur inn á í liði Portsmouth fyrir Benjani Mwaruwari.

66. mínúta Gary Speed fær gult spjald fyrir að brjóta á Gary O'Neil, leikmanni Portsmouth.

59. mínúta Gary Speed í dauðafæri en David James, markvörður Portsmouth, varði skalla hans.

56. mínúta Norðmaðurinn Daniel Braaten kemur inn á í liði Bolton í stað fyrirliðans Kevins Nolan.

52. mínúta John Utaka með gott skot úr teignum en Jaaskalainen í marki Bolton bjargar.

50. mínúta Matt Taylor með þrumuskot hátt yfir mark Bolton.

46. mínúta Christian Wilhelmsson kemur inn í stað Andranik Teymourian í liði Bolton.

Seinni hálfleikur er hafinn

HÁLFLEIKUR 2-1 fyrir Portsmouth

37. mínúta Nicolas Anelka með glæsilegt skot sem fer rétt framhjá marki Portsmouth.

34. mínúta Benjani, framherji Portsmouth, í dauðafæri en Jaaskalainen ver skot hans í horn.

34. mínúta Nicky Hunt hjá Bolton fær gult spjald

30. mínúta 2-1 John Utaka óð upp allan vallarhelming Bolton, lék á Juusi Jaaskalainen, markvörð Bolton, og renndi boltnaum í netið.

24. mínúta Hermann Hreiðarsson lendir í samstuði við Jlloyd Samuel, bakvörð Bolton. Hann virðist hafa meiðst á hné, fær aðhlynningu og kemur inn á aftur.

21. mínúta Benjani með hörkuskalla rétt yfir mark Bolton.

18. mínúta Andranik Teymourian á þrumuskot að marki Portsmouth en David James ver.

16. mínúta 1-1 Nwankwo Kanu skorar fyrir Portsmouth eftir frábæra sókn.

14. mínúta Mark dæmt af Nwankwo Kanu hjá Portsmouth vegna peysutogs.

12. mínúta 0-1 Nicolas Anelka kemur Bolton yfir með skoti af stuttu færi eftir sendingu frá El-Hadji Diouf.

Leikurinn er hafinn

Byrjunarlið Portsmouth: David James, Sylvain Distin, Hermann Hreiðarsson, Djimi Traore, Sean Davis, Richard Hughes, Gary O'Neil, Matt Taylor, John Utaka, Nwankwo Kanu og Benjani Mwaruwari.

Byrjunarlið Bolton: Jussi Jaaskalainen, Gerald Cid, Nicky Hunt, Jlloyd Samuel, Mikel Alonso, Abdoulaye Faye, Kevin Nolan, Gary Speed, Andranik Teymourian, Nicolas Anelka, El-Hadji Diouf.