Spáð í spilin: Fulham v Middlesbrough

Fulham og Middlesbrough mætast í ensku úrvalsdeildinni í dag. Fulham vann mikilvægan sigur á Bolton í miðri viku en Middlesbrough hefur tapað tveimur fyrstu leikjum sínum. Leikurinn er í beinni útsendingu á Sýn Extra 3 og hefst kl. 14.

Antii Niemi, aðalmarkvörður Fulham, er ennþá með úlnliðsmeiðsli og Tony Warner verður því í markinu gegn Fulham. Diomansy Kamara verður ekki með og Brian McBride og David Healy verða því í framlínunni.

Búist er við sama byrjunarliði og sigraði Bolton á miðvikudag.

Leikmannahópur Fulham í dag: Warner, Volz, Baird, Knight, Bocanegra, Davis, Smertin, Bouba Diop, Davies, Healy, McBride, Bouazza, Dempsey, Rosenior, Konchesky.

Fréttir herma að Yakubu verði skilinn eftir heima fyrir leikinn gegn Fulham. Gareth Southgate, knattspyrnustjóri Middlesbrough, er búinn að ganga frá kaupum á Mido sem verður í hópnum sem fer til London. Stewart Downing hefur verið að berjast við meiðsli en ætti að vera orðinn heill en Luke Young verður að bíða í aðra viku eftir að þreyta frumraun sína fyrir Boro. Fabio Rochemback klárar sinn síðasta leik í banni og verður því ekki með.

Leikmannahópur Middlesbrough í dag: Schwarzer, Davies, Taylor, Riggott, Wheater, Boateng, Arca, Tuncay, Downing, Aliadiere, Jones, Hines, Cattermole, Johnson, Mido, Dong-Gook, Euell.