Hermann og Heiðar mætast

Hádegisleikurinn í ensku úvalsdeildinni í knattspyrnu verður Íslendingaslagur af bestu gerð en Hermann Hreiðarsson og Heiðar Helguson mætast þá í fyrsta sinn með sínum nýju félögum.

Báðir voru þeir í sviðsljósinu í vikunni, Hermann Hreiðarsson spilaði allan leikinn þegar Portsmouth gerði 1-1 jafntefli við Englandsmeistrara Manchester United og Heiðar Helguson skoraði í sínum fyrsta leik í byrjunarliði Bolton en það dugði þó ekki til því Bolton tapaði 1-2 fyrir hans gömlu félögum í Fulham.

Bæði lið Portsmouth og Bolton hafa ekki náð að vinna í fyrstu tveimur leikjum sínum og það verður því hart tekist á Fratton Park en útsending frá leiknum hefst klukkan 11:25 á SÝN2.